Welcome to NMVS [Catch us at Facebook https://www.facebook.com/nmvs2011]
Email: info@nmvs.org.np, nmvs.research@gmail.com
NMVS
नेस्कमको प्रि-कन्फरेन्स तालिम कार्यशाला गोष्ठी सम्पन्न, २ दिने बैज्ञानिक सम्मेलन हुदै
Tuesday, 03 March 2020 05:45
कम्युनिटी मेडिसिनमा एम डी गर्नु भएका बिशेषज्ञ चिकित्सकहरुको संस्था नेपलिज सोसाईटी अफ कम्युनिटी मेडिसिन (नेस्कम) ले आफ्नो दोश्रो बैज्ञानिक सम्मेलनको पूर्व सन्ध्यामा प्रि-कन्फरेन्स तालिम कार्यशाला गोष्ठी सम्पन्न गरेको छ/ काठमाडौँ विश्वबिद्यालय धुलिखेल अस्पतालको सभाहलमा सम्पन्न तालिम कार्यशाला गोष्ठीमा इम्प्लिमेंटेसन साईन्स सम्बन्धिमा बिज्ञहरु डा. राजेन्द्र कोजु, डा. बिराजमान कर्माचार्य, डा. अर्चना श्रेष्ठ, डा. प्रज्ज्वल प्याकुरेल, डा. दिपेश ताम्राकार, डा. सूर्य पराजुली, डा. आभा श्रेष्ठ, डा. सुजाता सापकोटा, डा. रजनी शाक्य, सत्या श्रेष्ठ, डा. पुष्पान्जली अधिकारी, डा. गम्भीर श्रेष्ठ लगायतले सहजीकरण गर्नु भएको थियो/ ६० जनाको सहभागिता रहेको उक्त तालिम कार्यक्रममा वी पी कोइराला स्वास्थ्य बिज्ञान प्रतिष्ठान, विराट मेडिकल कलेज, काठमाडौँ विश्वबिद्यालय स्कुल अफ मेडिकल साइन्सेस, काठमाडौँ मेडिकल कलेज, नेपाल मेडिकल कलेज, कलेज अफ मेडिकल साईन्सेस भरतपुर, पाटन स्वास्थ्य बिज्ञान प्रतिष्ठानका चिकित्सक, नर्सिंग, जनस्वास्थ्यकर्मी र फार्मेसीबिज्ञको सहभागिता रहेको थियो/ नेपाल मेडिकल काउन्सिलले ४.७५ क्रेडिट पोईन्ट प्रदान गरेको उक्त तालिम कार्यक्रमलाई ट्रेन-नेपालले सहयोग गरेको थियो/ काठमाडौँ विश्वबिद्यालय स्कुल अफ मेडिकल साइन्सेसका डीन तथा ट्रेन-नेपालको मुख्य अनुसन्धानकर्ता डा. कोजुले आज संसारमा भएका धेरै अनुसन्धानले विभिन्न बैज्ञानिक तथ्यहरु प्रमाणित गरे पनि ति तथ्यका आधारमा स्वास्थका नीति नियम बन्न नसकेकोले गर्दा तिनीहरुको प्रभावकारिता खासै हुन नसक्ने भएकाले इम्प्लिमेंटेसन साईन्स भन्ने नयाँ अनुसन्धान विधाको बिगत २ बर्ष देखि नेपालमा सुरुवात गरिएको बताउनु भयो / त्यसै गरि ट्रेन-नेपालको डाईरेक्टरहरु डा. अर्चना श्रेष्ठ र डा. विराजमान कर्माचार्यले इम्प्लिमेंटेसन साईन्सको तालिम तथा अनुसन्धानलाई नेपालमा सुरुवात गर्न अमेरिका स्थित नेसनल इन्स्टिच्युट अफ हेल्थको आर्थिक सहयोग र विश्वका विभिन्न विश्वबिद्यालयको सहकार्यमा संसारका अरु ८ देशमा यो कार्यक्रम सुरु गरिएको जानकारी गराउनु भयो/
